គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តម យស ផានីត្តា និងឯកឧត្តម ឈួន ឡេង អញ្ជើញចូលរួមកិច្ចប្រជុំអនុគណៈកម្មការនៃបណ្តាញសមាជិកសភា ប្រយុទ្ធប្រឆាំងនឹងជំងឺរាតត្បាតសកលនៃសភាប្រើភាសាបារាំង(APF) តាមប្រព័ន្ធនិម្មិត

ចែករំលែក ៖

នារាត្រីថ្ងៃទី២៨ ខែវិច្ឆិកា ឆ្នាំ២០២៥ ចាប់ពីវេលាម៉ោង ១៩:០០នាទី ដល់ម៉ោង ២៣:០០នាទី គណៈប្រតិភូសភាកម្ពុជានៃអនុគណៈកម្មការបណ្តាញសមាជិកសភាប្រយុទ្ធប្រឆាំងនឹងជំងឺ រាតត្បាតសកលនៃក្រុមសភាជាតិកម្ពុជានៃសភាប្រើភាសាបារាំង(APF) រួមមាន៖ ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា ឯកឧត្តម អង្គ វង្សវឌ្ឍានា ប្រធានគណៈកម្មការទី៦រដ្ឋសភា ឯកឧត្តម ឈួន ឡេង អនុប្រធានគណៈកម្មការទី២ព្រឹទ្ធសភា និងឯកឧត្តមសាស្រ្តាចារ្យ ម៉ម ប៊ុនហេង សមាជិករដ្ឋសភា បានអញ្ជើញចូលរួមកិច្ចប្រជុំអនុគណៈកម្មការនៃបណ្តាញសមាជិកសភា ប្រយុទ្ធប្រឆាំងនឹងជំងឺរាតត្បាតសកលនៃសភាប្រើភាសាបារាំង(APF) តាមប្រព័ន្ធនិម្មិត ក្រោមអធិបតីភាព លោក ឡូរ៉ង់ វែរលី (Laurent WEHRLI ) ប្រធានគណៈកម្មការ និងជាសមាជិកតំណាងរាស្រ្តស្វីស ផ្សាយចេញពីទីក្រុងប៉ារីស សាធារណរដ្ឋបារាំង វេលាម៉ោង១៣:០០នាទី ដល់ម៉ោង ១៧:០០នាទី ។

កិច្ចប្រជុំនេះមានការអញ្ជើញចូលរួមពីសមាជិក សមាជិកា ដែលជាសមាជិកនៃសភាប្រើភាសាបារាំង និងមន្រ្តីអគ្គលេខាធិការដ្ឋានសភាប្រើភាសាបារាំង។

នៅក្នុងឱកាសនោះ ឯកឧត្តម យស ផានីត្តា បានចូលរួមផ្លាស់ប្តូរមតិស្តីពី សុខភាពគ្របដណ្តប់សកល ស្ថានភាពជំងឺលើសឈាម ស្ថិតិអ្នកកើតជំងឺអេដស៍ និងផ្ទុកមេរោគអេដស៍ និងការប្រយុទ្ធប្រឆាំងនឹងឱសថក្លែងក្លាយនៅប្រទេសកម្ពុជា។

ប្រភព៖ ការិយាល័យជំនួយការគណៈកម្មការទី២ព្រឹទ្ធសភា

អត្ថបទពាក់ព័ន្ធ

ឯកឧត្តមបណ្ឌិត យស ផានីត្តា

អត្ថបទថ្មី

ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំឆ្លុះបញ្ចាំងសមិទ្ធផលការងារជាង ១ឆ្នាំ របស់ខុទ្ទកាល័យ និងដាក់ចេញទិសដៅយុទ្ធសាស្ត្របន្ត

លោកជំទាវ មាន សំអាន ដឹកនាំកិច្ចប្រជុំផ្ទៃក្នុងគណៈកម្មការទី៨ព្រឹទ្ធសភា

ឯកឧត្តម ឡោក ឆាយ ដឹកនាំកិច្ចប្រជុំបូកសរុបលទ្ធផលការងាររបស់អគ្គនាយកដ្ឋានសេវាច្បាប់ និងសមូហភាពដែនដី និងអគ្គនាយកដ្ឋានស្រាវជ្រាវប្រចាំខែមីនា

សម្តេចតេជោ ហ៊ុន សែន អនុញ្ញាតឱ្យអគ្គលេខាធិការនៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី ចូលជួបសម្តែងការគួរសម

ឯកឧត្តម លីសារី អញ្ជើញជួបសំណេះសំណាលជាមួយថ្នាក់ដឹកនាំខ្មែរអ៉ិស្លាម និងគោរពវិញ្ញាណក្ខន្ធសពអតីតថ្នាក់ដឹកនាំ នៅស្រុកទឹកឈូខេត្តកំពត